-- ADVERTISEMENT --

KORONADAL CITY -Naga padayon sa subong an gimbestigasyon sang mga otoridad sa nagluntad nga panibag-o nga pagpangluthang sa syudad sang Koronadal nga nagresulta sang pagkapatay sang isa kag ginkapilas naman sang duwa ka iban pa.

Sa pagpakighinun-anun sang Bombo Radyo Koronadal kay Bishop Nonito Policios, obispo sang The God’s Family Care, ang isa ka Youth Pastor sang ila nga congregation nga si Jereome Daramba, 23-anys nga residente sang Brgy. Kuya, Upi, Maguindanao ang target sang riding-in-tandem suspects.

Suno kay Policios, papuli na kuntani si Daramba sa ila nga puluy-an sang ginbalabagan ini sang mga wala pa nakilal-an nga mga suspek kg gin luthang , apang madasig nga nagpaharurut suno pa ang biktima kabangdanan nga wala ini naigo sa ulo kag sa baylo kamot sini ang napilasan.

-- ADVERTISEMENT --

Dugang pa sini, ginlagas pa suno sang suspeks ang bikitma makaligad nga natumba ang bikitma sa motor kun sa diin naglab-ot ang mga ini sa isa ka tindahan kun sa diin tiyempo nga naga bakal ang iban pa nga biktima nga naulamid sa pagpanluthang kag naigo ang 2 sa mga ini sang bala.

Isa ka babae kag isa ka menor de edad ang naulamid sa pagpangluthang, sa diin wala nagdugay sang biktima nga si Bebeng Aperong nga residente sang nasambit nga lugar bangud sa pagkadula sang madamo ng dugo sa lawas.

Sa subong, wala pa matumod sang mga otoridad ang motibo sang krimen samtang ginahibalo pa kun anu nga sahi sang armas nga gin-usar sang mga suspek sa pagpangluthang sa biktima.

Samtang naga padayon naman nga naga paayo ang duwa ka biktima lakip na ang target sang mga suspek sa balay-bululngan.