-- ADVERTISEMENT --

KORONADAL CITY – Nagapadayon ang imbestigasyon sang kapulisan sa panibag-o nga pagpangluthang sa Purok Garcia, Barangay Rotonda, Koronadal City nga gintunaans ang kamatayon sang isa ka babaye nga biktima kag ginkapilas naman sang isa pa.

Sa interbyu sang Bombo Radyo Koronadal kay Brgy. Kagawad Marcelino Bebeloni, ginkilala sini ang napatay nga si Jesusa Binas Lorenzo, alyas Pacit, 45 anyos, nga residente man sang nasambit nga lugar.

Samtang, ang pilason ang ginkilala naman kay Ernie Ramirez, yara sa legal nga edad kag residente sang Barangay GPS, Koronadal City.

Suno kay Bebeloni, yara sa pwesto nila sa Marbel Homeowners’s Association Incorporated ang mga biktima sang may nagpakilala nga duha ka lalaki nga mga customer nga luyag mag-apply sang duta apang hinali na lamang nga ginluthang ang mga biktima.

Matapos nga himuon ang krimen, nagpalagyo ang mga suspek samtang nagapadayon pa ang imbestigasyon sang kapulisan sa insidente.

-- ADVERTISEMENT --