KORONADAL CITY – Ginpaidalom sa hard lockdown ang bug-os nga barangay Sta Cruz kag ang duha ka purok sa Brgy. Sto Nino makaligad nakapagkit ang panibag-o nga mga kumpirmado nga kaso sang covid-19.
Sandig ini sa kaundan sang Executive No. 98 nga ginpaguwa ni Mayor Eliordo Ogena kun sa magluwas sa bug-os nga Brgy. Sta Cruz, ginpaidalom ang Purok Malipayon kag Twin River West sa hard lockdown.
Nangin epektibo ini kahapon, Setyembre 27 kag magatakop sa Oktobre 4, Apang sa pihak sang ginapatuman nga hard lockdown, mahimo suno pa nga makaguwa ang mga pumuluyo kun may pagabaklon nga importante nga mga butang kasubong sang pagkaon, bulong, kag iban pa.
Ginpatuman man ang clustering diri kun sa diin ang Brgy. Sta Cruz ang natalana kada Lunes kag Huwebes kag ang Barangay Sto. NiƱo, sa mga adlaw sang Martes kag Byernes.
Sandig sa ulihi nga datos sang City Health Office, yara sa 9 ang nadugang nga mga kumpirmado nga kaso sang damlag lamang.
Bangud sini, yara na sa 181 ang kabug-osan nga kaso sang siyudad kun sa diin 114 diri ang mga active cases, 72 ang mga nakarekober kag duha ang nagapabilin nga casualties.