KALIBO, Aklan—Ginkumpirma ni Malay Tourism Officer Felix Delos Santos nga balik eon ro operasyon it mga water sports activities sa isla it Boracay.

Apang mag-eowas suno kana nga  eksklusibo raya sa mga fully vaccinated nga mga turista hay limitado sa 50 hasta 70 porsiyento ro andang  capacity.

Base sa  Executive Order No. 028-A nga  ginpirmahan  ni Aklan Governor Florencio Miraflores, indi pagapasugtan ro  mga bukon it  bakunando nga ma-enjoy sa nagkaeain-eain nga  klase it  water sports activities.

Samtang, ro mga disco bars suno kana hay nagapabilin nga sarado  bilang pagpangaman nga indi maeabag ro physical distancing.

Sa pihak nga parte,  agud nga mas pang masulit ro bakasyon it mga turista, ginpatag-od pa it   ala-1 it aga-aga  hasta alas-4  it aga-aga ro ginapatuman nga  curfew.

-- ADVERTISEMENT --

Gindugang pa ni Delos Santos nga padayun ro andang hugut nga pagbantay  sa health protocols at restrictions   agud nga mapabilin nga covid free ro isla.

Owa man sigon it ginbag-o sa andang pagpahaum  sa travel bubble  sa pagsueod it mga international tourists engkaso nga pasugtan eon it  gobyermo.

Boses ni Mr. Felix Delos Santos