Kalibo Aklan ——-Arestado sa banwa it Ibajay  ro most wanted person sa probinsiya it Antique matapos ro  daywang  dekada ag ap-at nga dag-on nga pagpanago kara bangud sa ginapangatubang nga kaso.

Nagtingub it pwersa ro mga kapulisan it Antique ag Aklan  agud nga  isirbi ro warrant of arrest sa akusadong si Dionito Tayco alias “Aloy”, 65 anyos ag residente it Sitio Hawid-hawid, Barangay  Mina-a, Ibajay.

-- Advertising --

Si tayco hay natigayon nga madakpan sa nabukid nga parte it  Barangay Yawan sa banwa it  Ibajay.

Ro warrant of arrest hay ginpaguwa ni Honorable Antonio Natino it Regional Trial Court, 6th Judicial Region, Branch 13, Culasi, Antique nga may petsang Enero 6, 1997 kun sa siin hay owa it gintaeana nga  piyansa ro korte para sa anang temporaryong kahilwayan.

Mayo 29, 1995 kat mabuno ag mapatay ni tayco ro anang igkampod sa Barangay Nauhon, Sebaste, Antique .

Umpisa kato hay nagpanago eon raya sa mga otoridad  ag makaron eamang nadakpan .

Nakataeanang iga-turn-over ro akusado sa korte nga natungdan .