KALIBO, Aklan–Ginapahauman eon it gobyerno sa Amerika ro virtual inauguration para kay President elect Joe Biden hin-aga nga adlaw.

Suno kay Bombo International Correspondent Mr. Ira Pedrosa sa California, USA sa pihak nga magiging virtual ro seremonyas hay maabo gihapon ro nakakalhit nga mga national guards ukon soldado nga nakapalibot sa US Capitol partikular sa Washington D.C.

-- Advertising --

Sa kamatuoran suno kana hay kapin sa 25,000 national guards ro ginpakalhit it US service agud nga magbantay sa seguridad sa palibot it US Capitol.

Posible suno kana nga magatambong ro kampo ni Biden, anang pamilya ag ro mga kongresista.


Sa makaron suno kana hay uwa sanda it nabalitaan sa kampo ni outgoing US president Donald Trump matapos nga na-ban ro nagkaeain-eain kara nga social media accounts rason nga inde eon imaw makapaabot sa anang mga pahayag mag-eowas eon lang sa mainstream media partikular sa television kon may interview raya.

Sa pihak sigon it sigurado nga pagpungko ni Biden bilang presidente it gamhanan nga nasyon hay maabo ro nagakabaeaka bangud sa hana nga pagsueod it mga chinese investors ag maduea sa sirkulasyon ro mga negosyanteng Amerikano.

Boses ni Bombo International Correspondent Ira Pedrosa