NATIONAL News—Igapapundo ni Pangueong Rodrigo Duterte ro pakikipag-transaksyon it gobyerno sa Philippine Red Cross kung indi magsumite it financial records ro organisasyon nga ginadumaeahan ni Senador Richard Gordon para sa auditing.

Suno sa presidente, maga-ubra imaw it sueat sa PRC para hinyuon nga buksan ro financial records kara para sa government audit.

Pagahinyuon man sigon it Pangueo kay Commission on Audit chairman Michael Aguinaldo nga usisaon ro pondo it nasambit nga ahensya.

Kung magpakamatig-a sigon ro taeatapan ukon si Gordon, ginpahayag it pangueo nga indi eon nana pagkilaeahon nga naga-eksister ro organisasyon.

Owa man it pakialam ro Pangulo kung maghimo it panibag-ong kontrobersiya si Gordon oukon magiging rason raya it krisis.

-- Advertsement --

Suno sa presidente, igapapundo eon nana ro pakikipag-transaskyon sa PRC sa maskin anong klase it pamaagi ag indi eon magtao it kwarta ro gobyerno.

Boses ni Pangueong Rodrigo Duterte