KALIBO, Aklan—Nakalista ro Malay Tourism Office it kabilugang 6,702 nga numero it tourist arrival sa isla it Boracay ko buean it Setyembre.

Base sa datus it taeatapan, nagapabilin nga ro mga turistang halin sa National Capital Region (NCR) ro may pinakamaabo nga numero it nagbisita sa isla nga naga-abot sa 4, 614.

Ginasundan man raya it 555 nga mga Aklanon, 503 sa Central Luzon, 445 sa Calabarzon, 81 sa Central Visayas, 61 sa Ilocos Region, 50 sa CAR, 45 sa Davao region, 43 sa Bicol, 38 sa Cagayan Valley, 28 sa Eastern Visayas, 22 sa Northern Mindanao, 21 sa SOCSARGEN, 15 sa Zamboanga Peninsula, 2 sa BARMM ag tig sambilog sa MIMAROPA ag CARAGA.

Nagapabilin man nga bukas ro Boracay sa pagbaton it mga bisita makaron nga uman nga ginpaidaeom ro probinsya it Aklan sa General Community Quarantine (GCQ) hasta Oktobre 31.