KALIBO, Aklan—Temporaryong ginpapundo it Provincial Health Office ukon PHO-Aklan ro andang libre nga  mass testing sa mga  tourism workers sa isla it Boracay.

-- Advertising --

Suno kay Dr.  Cornelio Cuatchon Jr. nga gin-pull-out anay nana ro andang surveillance team matapos nga tamaan it coronavirus disease 2019 ukon COVID-19 ro lima sa andang empleyado  sa opisina.

Sa ikatlong parte it swab testing sa Boracay umpisa ko Martes nga adlaw, kapin  sa 143 nga mga muslim vendors ro ginpaidaeum  sa RT-PCR tests ag 103 ro halin sa mga trabahador nga naka-assign  sa Caticlan ag Cagban port nga ginpangunahan it Malay municipal health office.

Madumduman nga kapin sa P10 milyon ro gintaeana nga pondo it Department of Tourism  para sa nasambit nga testing nga ginpaagi sa provincial government matapos nga sangka empleyado it  high-end resort sa  Station 1  ro nag positibo  sa makamaeatay nga sakit ko Disyembre 14 it nagtaliwan nga dag-on.

Tuyo kara nga  masiguro nga ro kapin sa 4,000 nga mga  frontliners sa isla hay eowas sa sakit eabi pa ag padayun nga nagataas ro tourist arrivals sa Boracay.