Business ——-Nagnaba it masobra sa 10 percent ko 2020 ro nakolektang buwis it Bureau of Internal Revenue (BIR) sa tunga it COVID-19 pandemic.

Ginpahayag ni BIR Commissioner Arnel Guballa nga P1.956 trillion nga haega it buwis ro nakolekta nanda ko nagtaliwan nga dag-on.

-- Advertising --

Suno kay Guballa, mas manaba raya it P230.14 billion ukon 10.53 percent kon ikumpara sa P2.186 trillion nga nakolekta ko 2019.

Base sa andang report, P1.045 trillion nga balor it buwis ro andang nakolekta ko 2020 pag-abot sa income taxes apang mas manaba raya it haeos 10 percent kumpara sa P1.155 trillion sa nakataliwan nga dag-on.

Raya hay bangud sa pagsarado it mga negosyo sa tunga it lockdown period.

Apisar nga nagnaba ro andang tax collection ko 2020, naeampasan pa man it BIR ro andang goal nga P1.685 trillion.