KALIBO, Aklan—Ginpaathag ni Punong barangay Rodel De Manuel Maravilla it Brgy. Albasan, Numancia nga naayos eon nanda ro ginpaabot nga concern it pamunuan it Albasan Elementary School angot sa pag-inom it tatlong kaeaeakin-an sa sueod it mismong compound it eskwelahan.

Suno kay Kapitan Maravilla nga insigida sanda nga nagpatigayun it imbestigasyon matapos nga makabaton it concern halin sa Head Teacher it nasambit nga eskwelahan.

Madasig man sigon nanda nga natumod ro mga persona nga nag-inuman sa eskwelahan sa bulig it pilang residente nga nakakita sa hitabo.

Ginpakamayad sigon it mga opisyal it barangay nga ipatawag ro tatlong kaeaeakin-an nga naga-edad 17, 18 ag 23-anyos para maistorya angot sa insidente.

Gin-aku man sigon it mga raya nga sanda ro responsible sa hitabo ag nagpromisa nga indi eon pag-umanon ro andang gin-ubra kung siin sanda eon man ro maga-serbing security it eskwelahan.

-- Advertsement --

Ginpahayag pa it opisyal nga owa man it mga naging record sa barangay ro tatlo ag posibleng daea eamang it kahidlaw sa aeak rason nga nahimo nanda raya kung siin makit-an pa sa lugar ro mga naaywan nga pilang bote it makahieilong nga ilimnon.

Ro tatlo hay parehong nag-graduate sa Albasan Elementary School.

Boses ni Punong barangay Rodel De Manuel Maravilla