KALIBO, Aklan—Tatlong ka mga armas ro natigayon nga napasaalima it pulisya matapos nga boluntaryong ginsurender mga residente it Brgy. Tag Osip, Buruanga.

Base sa report, daywang ka home made shotguns nga may tatlong ammunition ag sangka homemade pistol ro ginsurender sa mga otoridad.

-- Advertising --

Ro nasambit nga mga armas hay pagabayluhan it bugas ko mga miyembro it Aklan Police Mobile Force Company base sa andang programa nga Armas Islan Bugas sandig sa proyekto sa idaeom it PNP Oplan Tokhang Kontra Armas Luthang.

Ro nasambit nga mga armas hay igaturn-over sa Buruanga Police Station para sa nagakaigong disposisyon.