KALIBO, Aklan–Indi pa matumod hasta sa makaron ro ginhalinan it kaeayo nga nagpa-ugdaw sa daywang panaegan nga Gaisano Grand Mall sa San Jose, Antique ko Huwebes pasado alas-5 it hapon.

-- Advertising --

Suno kay FO1 Jun Keith Alconis, team leader it Bureau of Fire Protection ukon BFP-Nabas nga nagresponde sa lugar nga maskin nga kontrolado eon ro sunog kabi-i hay padayun ro pagtapna hasta makaron  it kaeayo it mga bumbero sa lugar.

Ginpahayag dugang nga  ginmanduan sanda  ni  Provincial Fire Marshall Fire Chief Inspector Patricio Collado nga magresponde matapos nga umabot sa general  alarm ukon pinakamataas nga alarma it BFP ro nag-eontad nga sunog.

Sa inisyal nga imbestigasyon, nag-umpisa sigon ro kaeayo sa department store it mall.

Delikado pa suno kana nga magsueod sa mall sa pagkabaeaka  nga eubusan nga mahugos ro mabahoe nga parte it kisame.

Maswerteng owa it sin-o man nga nasakitan sa natabu  apang nagapameligrong maduea-an it trabaho  ro ginatos nga mga empleyado it mall.