KALIBO, Aklan—Nagplastar eon it andang schedule para sa nagahilapit nga Simbang Gabi ro St. Joseph the worker Parish Church sa banwa it Malay.

Suno kay Reverend Fr. James Teodosio, Assistant Parish Priest it St. Joseph the worker Parish Church sa banwa it Malay nga owa it pagbag-o sa andang mga aktibidad bangud pagasundon man gihapon nanda ro kapareho nga schedule ko nagtaliwan nga dag-on.

Maga-umpisa sigon ro Simbang Gabi sa mainland Malay partikular sa Brgy. Caticlan ag Nabaoy pasado alas-6:00 it gabi-i sa Disyembre 15.

Samtang, maga-umpisa man it alas-4:00 it aga-aga sa bahin it Brgy. Poblacion ag Sambiray sa Disyembre 16.

Pagasundan sigon raya it alas-5:30 it aga-aga nga misa sa Brgy. Naasug ag Brgy. Napaan, Malay.

-- ADVERTISEMENT --

Ginklaro ni Fr. Teodosio nga owa eon it pagahiwaton nga Simbang Gabi sa Disyembre 24 bangud magapahaum eon sanda para sa Christmas Eve pasado alas-7:00 it gabi-i sa Brgy. Poblacion ag Caticlan.

Ginlaygayan man kara ro mga tumueo-o nga padayun nga magsunod sa minimum health protocols kapareho it pagsuksok it face mask, pag-obserba it physicial distancing kamana man nga pagasundon it simbahan ro seating capacity.

Raya hay para malikawan ro pagkalhit it COVID-19 ag maging eowas ro selebrasyon it kapaskwahan.

Boses ni Reverend Fr. James Teodosio