KALIBO, Aklan—Uman nga ginklaro ni Aklan First District Sangguniang Panlalawigan Member Atty. Harry Sucgang nga bilog sa gihapon ro anang ginapaabot nga suporta sa kandidatura ni gobernatorial aspirant William Lachica.

Raya hay bangud nga indi sigon nana pagduea-on ro andang pagiging mag-igabata ag ro manami nandang pagbarkadahan.

Sa pihak kara,  aminado sa gihapon imaw nga eubos nanang ginakasubo ro pagsikway kana it grupo it oposisyon.

Si SP Sucgang hay magapadaeagan eun lang makarun bilang independente matapos nga bayluhan it  grupo kay Batan Mayor Rodell Ramos.

Sa pihak kara nagapati sigon imaw nga may Milagro  ro Ginoo.

-- ADVERTISEMENT --

Bangud kara hay nagaeaum imaw nga magdaog sa paeaabuton nga eleksiyon kung mapukaw ro tagipusuon it mga pomoueyo agud nga makapagboto it  angay ag bagay nga magiging opisyal it gobyerno.

Boses ni SP member Atty. Harry Sucgang