KALIBO, Aklan—Ginarespito it Simbahang Katolika ro naging pahayag ni Pastor Apollo Quiboloy nga kilaea bilang sangka masuod nga amigo ni Pangueong Rodrigo Duterte kun sa siin gintawag kara ro anang kaugalingon nga “Appointed Son.”

Suno kay Fr. Jude Rebaldo, Parish Priest sa banwa it Banga nga may nagkaeain eain nga pagpati ro kada relihiyon ag nakadepende eun sa mga tawo kung ano ro andang pagapatihan.

Apang sa anang personal nga opinyon hay nagapati  imaw nga  sambilog eamang ro unga it Diyos ag ruyon hay si  Jesus Christ.

Kung may una sigon nga ‘appointed son’ hay  dapat may una rayang pormal nga sueat bilang pamatuod.

Boses ni Fr. Jude Rebaldo

Samtang, ginklaro man ni Fr. Rebaldo nga magapadayun ro ginabantayan  ag ginasubaybayan it mga tomueo-o kada nagapaeapit ro adlaw it Paskwa nga ‘Simbang gabi’.

-- ADVERTISEMENT --

Dugang pa kara nga  ro  mga nagasueod sa simabahan  hay hugot nga magasunod sa health and safety protocol.

Gina-engganyo man ro publiko nga maskin bukon it mandatory ro pagsuksok it face shield hay mas mayad nga magsuksok eun lang kara bangud sa paeag it bag-ong variant it covid-19 nga sa makarun hay owa pa it may nailistang kaso sa nasyon.

Boses ni Fr. Jude Rebaldo