KALIBO, Aklan—Nag-umpisa eon nga magsab-it it mga Christmas decoration ro mga pumueoyo sa Greece para sa nagahilapit nga selebrasyon it Paskwa.

Masami nga makit-an sa mga kabaeayan, karsada ag parke ro mga magarbong dekorasyon kapareho it parol, Christmas light ag Christmas tree nga punu it iwag ag palamuti.

Suno kay Bombo International Correspondent Merlinda Berbano Cabahig it Athens, Greece, kaeabanan sa mga tawo idto hay Kristiyano rason nga nagaselebrar man sanda it Paskwa kada dag-on.

-- ADVERTISEMENT --

Pila sigon sa andang ginaprepara kada Christmas eve hay ro espesyal nga pagkaon partikular ro turkey nga gin-lechon ag cookies nga may almond.

Mag-eowas kara, naga-ubra man sigon sanda it cookies gamit ro puti nga asukal nga may almond para itao sa andang amigo ag amiga bilang regalo.

Simple eamang sigon ro pagselebrar it mga taga-Greece it paskwa bangud limitado eamang raya para sa pamilya.