KALIBO, Aklan—Arestado ro sangka tricycle driver matapos nga madiskubrehan nga imaw ro responsable sa naduea nga ap-at ka mga helmet sa sangka boarding house nga nahamtang sa Jaime Cardinal Sin Avenue, Kalibo.

-- Advertising --

Ginkilaea ro suspek nga si Restor Nadua Quimpo, 30-anyos ag residente it Brgy. Linabuan Norte, Kalibo.

Natumod si Quimpo nga imaw ro may kahimuan sa nasambit nga panakawan pinaagi sa cctv footages.

Kaangot kara, naaktuhan mismo it mga kapulisan nga idto sa andang panimaeay ro nasambit nga mga helmet.

Bangud kara, todo pakidluoy ro suspek sa biktima samtang temporaryo man imaw nga ginsueod sa lock-up cell it Kalibo Police Station para sa nagakaigong disposisyon.