KALIBO, Aklan—Una eon sa mayad nga kondisyon ro mga sakay it sangka saeakyan nga naaksidente sa national highway nga sakop it Brgy. Catmon, Altavas.

Ginkilaea ro driver it behikulo nga si Geofredo Celis kon sa siin nakaangkon eamang raya it pila ka mga gasgas ag kasakitan sa eawas kat nahueog ro anang ginamanehong saeakyan sa banglid sa nasambit nga lugar.

Sa pagpangusisa it Altavas PNP, sakay man it nasambit nga saeakyan sanday Ronald Dela Cruz it Arevalo, Iloilo, ag Claire Joy Gaviola it Roxas City, Capiz.

Base sa report, nag-overtake sa kasunod nga saeakyan ro kotse apang nadueaan it kontrol sa pagmaneho ro driver nga nagresulta sa andang pagkasunggab sa signage ag poste it waiting shed nga nagresulta sa andang pagkahueog.

Samtang, haom man nga pagasabton it driver ro pagpaayos sa nahalitan kara nga signage.

-- ADVERTISEMENT --