KALIBO, Aklan—Magapadaeagan bilang alkalde it Batan sa eleksyon sa masunod nga dag-on ro retiradong government employee daea ro suno kana hay handum nga  makaangkon it pagbag-o sa nasambit nga banwa halin sa mabuhay nga tiempo nga pagdumea it mga Ramos.

Suno kay Mayoralty candidate Jindra Demeterio nga mabuhay eon nga tiempo nga gina enggannyo imaw nga magpadaeagan apang ulihi eon imaw nga nagdesisyon.

Magiging adbokasiya sigon nana ro  “governance with the heart for the people”.

Maskin nga bagito sa pulitika, apang euto eon sigon  imaw sa patag it public service bangud sa mabuhay nga tiempo nga  pagtrabaho sa gobyerno.

Bentaha pa gid sigon nana ro pirmeng pagtinir sa andang banwa rason nga madali nga mapaeapitan.

-- ADVERTISEMENT --
Boses ni Mayoralty candidate Jindra Demeterio

Sa pihak nga parte, sa pagsabak ni Demeterio sa pagka-mayor,  mas naging interesante ro eleksyon sa nasambit nga banwa bangud nga magapailihir man ro anang adopted son bilang vice mayor it anang maka-away sa nasambit nga posisyon.

Apang suno kay Jindra nga gina-respeto nanda it anang unga nga si Bojic ro opinyon it kada isaea.

Nagapati sigon sanda pareho nga ro eleksyon hay umaeagi eamang ag indi dapat nga magkapersonalan.

Boses ni Mayoralty candidate Jindra Demeterio