KALIBO, Aklan—Nagpaabot it anang reklamo sa Bombo Radyo ro sangka misis matapos nga mapaseawan nga maclaim ro anang funeral benefit sa Social Security System ukon SSS maghalin sa anang namatay nga asawa.

Suno kay Mrs. Clarita Andrade Guillamar it Barangay Pagsanjan, Banga nga namatay ro anang asawa nga haeos 38 anyos eun karang owa haeos nakaibahan matapos nga makaangkon it kabit sa Metro Manila ag idto eun man nag-istar hasta nga namatay raya.

Bangud nga owa imaw it may nabuytan nga mga dokumentosa pagkamatay it anang asawa hay owa sigon imaw it may nabatun nga benipisyo sa SSS ag ginapahayag nga naadto raya sa kabit it anang mister.

Boses ni Mrs. Clarita Andrade Guillamar

Samtang, ginpahayag man ni Rene Moises Gonzales Branch head it SSS-Aklan nga  may daywang ka  mga benipisyo nga  ginatao ro SSS para sa mga benipisyaryo it andang miyembro nga nagtaliwan eun.

Raya hay ro funeral ukon burial benefit ag death benifit.

-- ADVERTISEMENT --

Sa kaso sigon ni Mrs. Guillamar, ro pangaywang partner kara ro puweding  mag-claim it burial benefit bangud nga imaw ro naggastos sa pagpa eubong kara apisar nga imaw hay bukon it legal nga asawa.

Samtang ro death benefit man hay owa it ibang makabatun kungdi  ro  legal eamang nga asawa.

Ginlaygayan  man raya  it SSS nga magrequest anay it death certificate sa PSA ag magpadueong sa andang opisina agud nga maproseso  ro anang death benefit.

Boses ni Mr. Rene Moises Gonzales