KALIBO, Aklan—Patay ro sangka eaeaki matapos nga masaeawig it  nakabukas nga compartment it sangka bus samtang naka sakay sa anang naka-park nga tricycle  sa kilid it national  highway nga sakop it Brgy. Odiong, Altavas.

Insigidang gindaea ro  biktima  it mga rumespondeng tawuhan it  MDRRMO Altavas  sa ospital, apang  patay eon kat maka-abot bangud sa patal nga lastro sa anang ueo.

-- Advertising --

Base sa report,   samtang nakasakay ro driver sa anang tricycle nga naka park sa kilid it karsada hay gulpi raya nga nasaeawig it nag-agi nga ceres bus kun  sa siin hay nakabukas ro anang compartment ag tinamaan ro biktima.

Ro driver it  bus hay presenteng sa kustodiya it altavas PNP para sa nagakaigo nga disposisyon.