Kalibo Aklan——–Dead on arrival sa Aklan Provincial Hospital ro sangka eaeaki matapos nga makuryente sa Brgy. Kinalangay Viejo, Malinao.

Base sa report, nakit-an eon lang nga nagahamyangon ro 37-anyos nga eaeaki maeapit sa water pump nga nagapasaka it tubi.

-- Advertising --

Ginasugid nga nakit-an ro anang alima nga nakasab-it sa wire it water pump nga bukon man it imaw ro nagapanag-iya.

Nadaea pa sa nasambit nga ospital ro biktima it mga nagrespondeng miyembro it Municipal Disaster Risk Reduction Management Office (MDRRMO) Malinao apang gindeklara nga patay eon it nagtatap nga doktor.