KALIBO, Aklan—Ninahan nga gindaea sa Malay district hospital ro sangka eaeaki matapos nga gin-eampusan it kahoy ko anang kaugalingon nga manghod bandang alas-11:00 kabi-e sa Brgy. Poblacion, Malay.

Base sa report, ginkilaea ro biktima nga si Christian Sumagaysay, 34-anyos samtang ro suspek hay si Aron Sumagaysay, 32-anyos ag parehong residente it nasambit nga lugar.

-- Advertising --

Sa inisyal nga imbestigasyon it pulisya, nag-inuman ro daywa kon sa siin kat una eon ro mga raya sa idaeom it impluwensya it aeak hay may nagpatunga kanda nga diskusyon bangud sa andang dating banggianay.

Bangud kara, nagbueo it dos pordos nga kahoy ro suspek ag ginbunae sa ueo ro anang magueang nga gintunaan it pag-angkon kara it lastro.

Insigida man nga naaresto ro suspek ag nakadetain makaraon sa Malay Police Station para sa nagakaigong disposisyon.

Apang, uwa eon sigon it plano nga magpasaka it kaso ro biktima matapos nga naeapatan eon it nagakaigong pagbueong ro ana nga lastro sa ueo.