KALIBO, Aklan—Nautod ro sambilog nga tudlo sa waea nga alima it sangka eaeaki matapos nga inangkit kasunod it pagpatunga kara sa away it magbayaw sa Sitio Pueos, Brgy. Cortes, Balete.

Ginkilaea ro biktima nga si Jaylord Gomez, 28-anyos it Brgy. Aranas, Balete samtang ro suspek hay ginkilaeang si Joseph Alfonso, 29-anyos it Brgy. Arcanghel sa nasambit nga banwa.

-- Advertising --

Base sa report, samtang naga-inuman hay may nagpatunga nga diskusyon  sa suspek ag sa anang bayaw kon sa siin gin-awat raya it biktima ag dikara eon imaw inangkit ni Alfonso nga nautod gid ro anang tudlo.

Insigida man nga gindaea sa Mission hospital si Gomez para sa nagakaigong medikasyon.

Samtang, ro insidente hay ginrefer sa barangay justice it nasambit nga lugar para sa nagakaigong disposisyon.