KALIBO, Aklan—Sangka baroto ro naaprehend it Aklan Police Mobile Force Company bangud sa illegal nga pagdungka sa Diniwid Beach sa isla it Boracay.

Ro kapitan kara ag daywang ka crew hay nagapangatubang sa pag-eabag sa Provincial Ordinance No. 05-032 ukon ro ginapatuman nga One Entry and One Exit Policy sa nasambit nga isla.

-- Advertising --

Nasayuran nga hugot nga ginadumilian ro pagdungka it mga baroto sa maskin siin nga bahin it baybayon sa isla sa baylo kinahang-ean it mga raya nga sa mismong designated area eamang pwede sanda makadungka.

May kaangtanan kara, nag-apela ro mga otoridad sa publiko nga magsunod sa mga rules and regulations eabi eon makaron nga tyempo it pandemya.