Kalibo Aklan —- Bangud sa kakoeangan makarun it face mask tuga it padayun nga pagtaas it kaso it coronavirus disease ukon COVID-19 sa bilog nga kalibutan , naisipan it sangka Barangay Kapitan nga maghimo it washable face mask para sa mga pomoeuyo it andang lugar.

Suno kay Lea Ramires , Brgy. Kapitan it  Guinbaliwan New Washington, prayoridad it andang proyekto nga mataw-an it face mask ro tanan nga  mga  Persons Under Monitoring (PUM’S) sa andang lugar.

-- Advertising --

Ginatinguhaan man sigon nanda kaibahan ro mga pomoeuyo nga boluntaryong nagabulig ag mga Barangay Officials nga mataw-an it mask ro mga frontliners bilang proteksyon.

Ro nasambitan nga mask hay himo sa Tela nga gintahi gamit ro  hilo  nga maghalin man ro mga gamit sa Philippine National Red Cross.

Samtang, bangud sa himo eamang sa tela ro andang mask nga ginapanudpod, andang ginaeaygayan ro mga popmoeuyo nga eabhan raya permi ag butangan it tissue paper para nga indi magtinir ro virus.

Ginpasiguro man ni Kapitan Ramires nga ro tanan hay pwedeng makapangayo it face mask sa andang barangay apang raya hay nakadepende man sa stocks nga mahuman it mga nagatahi.