KALIBO, Aklan—Nagapadayun pa ro imbestigasyon it kapulisan sa natabu nga paeanakawan sa sangka bakery ag sari-sari store kaina it aga-aga sa Jaime Cardinal Sin Avenue, Barangay Pook, Kalibo.

Suno kay Jonel Rontale, 44 anyos  ag tag-ana it panaderya nga ginatantiya nga masobra sa 20,000 pesos  nga kinita nanda sa sueod it  haeos sang domingo ro gintakaw it owa pa nakilaea nga mga suspek nga nakabutang  sa lata ag puea nga arenola.

Mag-eowas sa kwarta,  ginbo-oe pa ro kapin sa limang rim it andang baligya nga sigarilyo.

Nagkaon pa sigon it tinapay ro mga suspek.

Bandang alas-4:00 kaina it agahon kat mataeupangdan it tag-ana nga nakabukas eon  ro pwertahan nga himo sa steel matting ag   gin-bringka ro kandado sa prente it andang bakery.

-- ADVERTISEMENT --

Narekober it mga katapo it kalibo municipal police station ro sangka tubo  nga nakaputos it tela ag ginsamad nga kandado  nga igapaidaeum  sa imbestigasyon.

Samtang,  nakita  it mga otoridad ro bueutangan it kwarta  sa tabok nga karsada  nga gin-aywan sa kilid it gutter.

Boses ni Jonel Rontale