KALIBO, Aklan—Eubos ro kalipay nga nabatyagan it sangka Aklanon government employee bangud sa pinakaunang kahigayunan hay nakabatun raya it award maghalin sa Civil Service Commission ukon CSC.

Suno kay Dangal ng Bayan Awardee Mr. John Laumoc Alcazarin nga importante ro pagtutom sa trabaho agud nga makabulig sa ikamayad it isigkatawo.

Raya man sigon ro anang naging alas agud nga makabatun it mabahoe nga pagkilaea maghalin sa CSC.

Nasayuran nga ro dangal ng bayan award hay ginatao it CSC  sa mga empleyado nga may manami  nga hinimuan sa andang trabaho nga nakatao man it benipisyo sa publiko.

Antes nga makabatun it nasambitan nga award hay kinahangean anay nga may mag-nominate kanda  maghalin sa andang mga kaibahan sa trabaho.

-- ADVERTISEMENT --

Masunod nga magapasakop sa regional level ag kung mapilian hay magaderisto sa national level kung sa siin dikato eun magapili ro CSC  it mga  magadaog.

Nasayuran nga sambilog sa mga adbokasiya ni Alcazarin hay ro pag-alaga sa mga endangered species.

Ginpabugae  man  kara nga nakapabuto sanda it kapin sa 122 nga sea turtle kun sa siin na-feature pa sa national TV.

Si Alcazarin hay haeos 16 anyos eun man nga nagatrabaho sa gobyerno ag na-assign sa Local government unit ukon LGU-Numancia.

Boses ni Mr. John Laumoc Alcazarin