KALIBO, Aklan—Uman nga nakalista it sambilog nga kaso it Coronavirus Disease 2019 ukon COVID-19 ro Brgy. Camaligan, Batan.

Ro pasyente hay sangka nurse sa sangka ospital sa banwa it Kalibo nga nagpositibo sa virus ko Setyember 8.

-- Advertising --

Suno kay Punong Barangay Rolly Sucgang it Camaligan, Batan nga presenteng naka-isolate sa Ligtas COVID Center sa banwa it Kalibo ro nasambit nga medical frontliner.

Inisgida suno kana nga nagpatigayun it contact tracing ro barangay agud nga madasig nga matumod ro mga direktang nakasalamuha it pasyente.

Nakalista sigon sanda it limang ka mga close contact ag ginpaidaeom eon sa swab testing.

Sa makaron hay naka-home quarantine eon ro mga raya samtang ginahueat ro resulta.

May kaangtanan kara, nagpadumdom ro opisyal sa anang kasimaryo nga padayun nga magsunod sa ginapatuman nga minimum health protocols para makalikaw sa virus.

Boses ni Punong Barangay Rolly Sucgang