KALIBO, Aklan—Mabatyagan eon ro espiritu it paskwa sa Germany.

Raya hay matapos nga may nakasab-it eon nga parol sa mga nagapangunang pamasyaran, may nagabutang eon it christmas tree sa tagsa ka panimaeay ag maskin siin hay makabati it christmas carol.

Suno kay Bombo International Correspondent Ma-Ann Lachica-Zacher it Worpswede, Germany, kada dag-on hay ginabantayan ro pagbukas it christmas market bangud nga ginadumog raya it mga pumueoyo apang sa makaron nga panyempo halin kat nagpanaeasa ro pandemya hay uwa raya ginpasugtan it gobyerno nga magbukas.

-- ADVERTISEMENT --

Sa pihak kara, uwa gihapon maduea ro espiritu it holiday tradition ag inde mapunggan ro mga tawo nga iselebrar raya pinaagi man sa andang nakasanayan nga himueon.

Maeksperyensyahan man sa nasambit nga nasyon ro pagpangaroling it mga onga, pagbaeayluhan it mga regalo ag mas gusto it mga raya nga magpataliwan it christmas eve sa simbahan.