KALIBO, Aklan—Haeos owa it kinaiba ro selebrasyon it Paskwa sa nayon it Kazakhstan.

Ro mga pagkaon ag dekorasyon nga ginaprepara it mga tawo hay kapareho man iya sa Pilipinas.

Suno kay Bombo International Correspondent Eurie Tan, mabatyagan gid ro respito it mga tawo sa pihak it pagiging Muslim country it Kazakhstan.

-- ADVERTISEMENT --

Suno kana, haeos 20 porsyento eamang it populasyon ro Kristiyano apang bukon raya it sab-eag para taw-an it importansya ro importansya it Paskwa.

Masami sigon nga ginahanda kada Christmas eve hay ro horse meat bangud mainit raya sa eawas nga sakto manami gid para sa maeamig nga panyempo it nasyon.

Mahilig man sigon ro mga Kazakhs sa mga matam-is nga pagkaon kapareho it tsokolate, cake ag fruit salad.

Ro mga pagkaon nga ginaprepara idto hay haeos parehas man iya sa Pilipinas mag-eowas sa ham.

Bukas man sigon ro mga estudyante ag ginikanan nga magkantigo it Christmas song ag ibang kaugalian kada Paskwa.

Samtang, sa bersyon man it mga Kazakhs, ro Paskwa hay gina-selebrar nanda kada Enero 7 kung siin may anda nga kaugalingon nga santa claus nga may kaibahan nga snow girl.