KALIBO, Aklan–Padayun ro monitoring it Rural Health Unit it  banwa it New Eashington sa daywang pasyente nga natumod nga may Beta ag P-variant it COVID-19.

Apang, ginklaru ni Dr. Daystar Sedillo, Municipal Health Officer it nasambit nga banwa it nga puro recovered eon ro nasambit nga mga pasyente.

-- Advertising --

Mag-eowas kara, una man sa maayos nga kundisyon  ag owa it anuman nga sintomas ro mga natumod nanda nga close contact.

Ko nagtaliwan pa suno kana nga  Hunyo  19 ag 20 ginpaidaeum  sa RT-PCR test ro daywa.

Nagdesisyon sigon ro andang taeatapan nga ipadaea sa philipine genome center ro andang specimens bangud sa kakaiba nanda nga kundisyon kumpara sa mga nauna nga gintratar nanda nga  mga  covid positive sa nasambit nga banwa.

Ginpahayag dugang nga  ko nagtaliwan nga Hulyo 15 hay ginpaabot kanda it Provincial Health Office   ro resulta it genome examination kun sa siin  daywa sa andang gin-test hay positive sa beta ag p variant.

Ro BETA variant ukon  B.1.351 hay naghalin  sa South Africa samang  ro P.3 variant hay natukiban sa Pilipinas nga parehong makabig nga variant of concern  bangud sa madasig nga pagtapon it mga raya.

Samtang,   gindugang ni  dr sedillo nga sa kabilugan nga 500 nga covid cases nanda hay 71 eon lang ro aktibong kaso.

Boses ni Dr. Daystar Sedillo