KALIBO, Aklan—Haeos indi eon masarangan it mga pumueyo ro masyadong mataas nga presyo kada kilo it mga karne it baboy ag manok sa mga tindahan sa probinsya it Aklan.

Raya hay matapos nga makaangkon it paghueag sa presyo it mga karne tuga it kakueangan it supply bangud sa nagapadayun nga pagtransport it mga karne paadto it Luzon para idto ibaligya.

-- Advertising --

Suno kay Aklan 1st District Board member Nemesio Neron nga gintalakay sa plenaryo kahapon  it Sangguniang Panlalawigan ro pagtaas sa presyo it mga karne.

Suno kana, ginrefer eon nanda sa committee on agriculture ag committee on trade and industry ro natungdan nga concern.

Tuyo sigon kara nga ma-regulate ro presyo it mga karne sa kada tindahan.

Hinyu man it opisyal ro pagbalanse sa sitwasyon kung siin dapat siguraduhon nga indi maapektuhan ro pangabuhian it mga hog raisers ag konsumidor.

Aminado man si Neron nga makaangkon it raya it domino effect sa iba pang nagapangunang produkto.

Nagaeaum man raya nga insigidang maaksyunan ro nasambit nga problema.

Boses ni Aklan 1st District Board member Nemesio Neron