KALIBO, Aklan—Makaron nga nagahilapit ro pista minatay,  nagapati ro sangka tag-ana it flower shop sa Roxas Avenue, Kalibo nga indi eon makaangkon it pagtaas sa presyo  bangud sa bastante nga supply it  bueak.

Suno kay madam Che nga  posibleng sa Lunes nga adlaw pa maga-aeabutan ro bulto it mga bueak para sa undas.

Ro presente sigon nanda nga mga naka display makaron nga bueak hay para sa mga ordinaryo nga okasyon kapareho it roses, anthurium ag rado nga kaeabanan nga naghalin sa Baguio City.

-- ADVERTISEMENT --

Ro babies breathe eamang  sigon ro bueak nga naghalin  sa Aklan, apang naga order sanda it dugang nga supply  sa Manila ag Baguio bangud sa bukon it bastante nga supply.

Gindugang pa it tag-ana it  flower shop nga sa makaron hay nagapabilin nga regular pa ro presyo it mga bueak kapareho it roses nga tig-40 pesos ro sangka stem ag 400 pesos ro sang dosena.

Makarondaya man sigon ro presyo it  rado.

Samtang,   naga-obra man sigon sanda it  flower arrangements nga ro presyo hay nakadepende sa kaabuon it bueak.

Ginpasiguro man nana sa mga bumaeakae nga  nagatau sanda it discount.