KALIBO, Aklan—Haeos owa pa it paghueag sa presyo it mga bueak sa kahabaon it Roxas Avenue Extension sa banwa it Kalibo, daywang dominggo antes ro fiesta minatay.

Suno kay Suzette Tocones, sangka flower vendor, nagahampang halin P100 hasta P400 ro presyo makaron it mga bueak.

Ro mga kulay puti nga bueak sigon ro mabakae kada tiyempo it undas.

Aminado man si Tocones sa pagiging unstable it andang presyo bangud nagkaeain-eain nga supplier ro andang ginabue-an.

Kaeabanan sigon sa andang ginabaligya nga bueak hay maghalin sa Baguio ag ginatransport pinaagi sa eroplano ukon cargo.

-- ADVERTISEMENT --

Madumduman nga nauna eon nga ginpaathag it lokal nga gobyerno nga uman nga igasarado ro mga sementeryo sa banwa it Kalibo sa maabot nga undas.

Nasayuran nga base sa ginpirmahan nga Executive Order ni Mayor Emerson Lachica ko nagtaliwan nga  dag-on,  igasarado ro mga gate it mga  pampubliko ag pribadong sementeryo sa banwa it Kalibo umpisa Oktubre 29  hasta Nobyembre  4.

Bangud kara, gina-abisuhan man ro mga pumueoyo nga tempranuhan ro pag-adto sa mga sementeryo sa pagdu-aw sa andang mga mahae sa kabuhi nga nagtaliwan eon agud nga malikawan ro pagdueutdutan.

Boses ni Suzette Tocones