KALIBO, Aklan—Ginkasubo it Philippine Red Cross (PRC) Aklan Chapter ro naging pahayag ni Pangueong Rodrigo Duterte nga paga-punduhon ro pakikipag-transaksyon it gobyerno kung indi magsumite it financial records ro organisasyon nga ginadumaeahan ni Senador Richard Gordon.

Suno kay Aklan Sangguniang Panlalawigan member Soviet Russia Dela Cruz nga mabahoe ro magiging epekto it desisyon it presidente sa operasyon it organisasyon.

Suno kana, ro Red Cross hay sangka pribadong organisasyon nga ginapadaeagan it mga volunteer nga gustong magbulig sa komunidad ag isigkatawo.

Gin-insister pa kara nga hugut man ro suporta it PRC sa mga programa it gobyerno ag tuyo eamang kara nga makabulig.

Owa man sigon naga-ginansya ro organisasyon sa ayuda nga ginatao it gobyerno bangud sakto eamang raya sa operasyon ag pang sweldo it mga empleyado kamana man nga naga-agi sa normal nga audit report ro mga ginapatigayun nga proyekto.

-- Advertsement --

Madumduman nga ginpaathag it pangueo nga kung magpakamatig-a ro PRC ukon si Senator Gordon nga buksan ro financial records para sa auditing hay indi eon nana pagkilaeahon nga naga-eksister ro organisasyon ag indi eon magtao it kwarta ro gobyerno.

Owa man sigon it pakialam ro pangueo kung maghimo it panibag-ong kontrobersiya si Gordon ukon magiging rason raya it krisis.

Boses ni SP member Soviet Russia Dela Cruz