KALIBO, Aklan — Ginmando it Bureau of Fire Protection (BFP)-Kalibo ro temporaryong pagpasarado sa deep well nga may electric pump matapos madiskubreng nagadabdab ro tubi nga nagaguwa halin dikara.

Sa interview it Bombo Radyo, ginpahayag ni Fire Senior Inspector Sidjie Gerardo, Municipal Fire Marshall it BFP-Kalibo nga sa andang pagpangusisa, ro tubi halin sa poso hay may hugom, apang bukon sanda it sigurao kon raya hay flammable ukon combustible liquids.

-- Advertising --

Kinahang-ean sigon raya nga matan-aw it mga eksperto halin sa nagakaigong ahensiya it gobyerno.

Insigida sigon sandang nagpatigayon it flushing procedure sa bulig ko pamunuan it water district agud malimpyo ro naga-ilig nga tubi sa kanae bangud sa peligrong tuga kara.