KALIBO, Aklan—Nagapati ro sangka political analyst nga makabig nga political strategy ro ginahimo it PDP-Laban nga pagpili it andang kandidato para sa May 9, 2022 elections.

Suno kay Dr. Malyn Villanueva, sangka politicial analyst nga posibleng gina-obserbahan pa it partido kung sin-o ro mabaskog nga pambato para sa nagahilapit nga national and local elections.

Gin-insister man kara nga manami gihapon ro two party system para mabuoe ro boto it mayorya.

-- ADVERTISEMENT --

Apang, bangud sa kaabo it mga nagdihon it kandidatura para sa pagpadaeagan bilang presidente magiging plurality eon lang ro matabo bangud ginaeakipan raya it multi-party.

Dugang pa ni Villanueva nga posibleng makaangkon pa it switching sa mga kandidato it administrasyon partikular sa PDP-Laban kamana man nga mabahoe ro posibilidad it party coalition.

Pila eamang sigon raya sa mga baeantayan makaron bangud ginapasugtan pa it laye ag Comelec ro substitution it mga kandidato hasta Nobyembre 15.

Sa pihak kara, ginlaygayan man kara ro publiko nga maging maaeam sa pagpili it mga pulitiko nga igabutang sa pwesto.

Pilion sigon ro kandidato nga sarang magpa-umwad sa nasyon para indi mauyang ro boto ag malikawan ro pagpenitensya it mabuhay nga tyempo.