KALIBO, Aklan—Satisfied si PNP chief general Guillermo Eleazar sa pagpabilin it kalimpyo it mga police stations nga anang gin-inspeksyon  sa pag-bisita sa western visayas ko nagtaliwan nga domingo bilang pagsunod  sa anang Intensified Cleanliness Policy ukon ICP.

Raya ro ginpahayag ni P/Lt. Col. Arnel Solis,  bag-ong tagapaghambae it Police Regional Office ukon PRO-6.

Nasayuran nga sambilog ro Kalibo Municipal Police Station sa anang ginbisitahan.

Suno kay Solis nga tuyo it programa ni General Eleazar nga mapabilin ro kalimpyo  it sangka estasyon it pulisya  ag masiguro ro pagiging alerto  it mga naka-duty nga  pulis.

Hugut sigon nga ginbilin it hepe it pulisya nga maging mayad nga halimbawa sa pagsunod sa laye agud nga mabo-oe ro pagrespeto  ag  kumpiyansa it publiko.

-- Advertsement --

Si Lt. Col Solis ro nagbueos kay Lt. Col. Joem Malong nga gin-assign sa Negros Occidental Police Provincial Office  bilang hepe it  andang city police station epektibo ko  Agosto 27.

Sanday Solis ag Malong hay parehong graduate it  Philippine national police academy ukon PNPA class 2006.

Haeos kaabuan sigon sa assignment ni solis hay sa western visayas , kun sa siin ko  2008 hay nadeploy imaw sa Aklan para sa ati-atihan festival celebration.

Kaibahan pa sa naging aktibidad  ni Eleazar ro pagtau it award sa mga  personnel nga nag-excell sa patag it operation and administration angot sa ika-120th nga selebrasyon it police service anniversary.

Kaparte sigon sa ICP program ro internal cleansing kun sa siin 95 nanda nga personnel ro napasakaan it kaso ag 29% eon lang ro kinahangean nga maresolba.

Boses ni P/Lt. Col. Arnel Solis