KALIBO, Aklan—Ginkumpirma ni Police Lieutenant Colonel Belshazzar Villanoche, hepe it Kalibo PNP nga pila sa andang police personnel hay nagpositibo sa Coronavirus Disease 2019 ukon COVID-19.

Suno kana, lima sa mga raya hay eubusan eon nga naka-recover halin sa sakit samtang ro sambilog hay nakataeana eon man nga magtapos ro quarantine period.

-- Advertising --

Sa pihak kara, may pito pa sigon sanda nga mga personnel nga presenteng naka-isolate matapos nga makaangkon it contact sa mga nagpositibo.

Ginpasiguro man ni Villanoche nga hugot nandang ginasunod ro minimum health and safety protocols sa sueod it andang opisina.

Kamana man nga gina-abisuhan ro mga miyembro it pulisya nga may direct contact sa andang pamilya nga nagpositibo nga insigidang mag-isolate ag indi anay mag-report sa duty eabi eon ro may mga ginabatyag nga sintomas it COVID-19.

Boses ni PLTCOL. Belshazzar Villanoche