KALIBO, Aklan—Ginaselebrar it mga pumueoyo ro Paskwa sa nasyon it Botswana.

Suno kay Bombo International Correspondent Joey Calma Villanueva nga mahilig sa musika ro mga tawo idto rason nga masangag ro andang selebrasyon.

Nagaprepara man sigon sanda it mga pagkaon kapareho it manok, baka, baboy ag spaghetti.

-- ADVERTISEMENT --

May ginapatigayun man sigon nga mga magarbong fireworks display kada Christmas eve.

Suno kay Villanueva masami nga nagapatigayun it industrial shutdown ro pilang kompanya para taw-an it daean ro mahaba nga selebrasyon it Paskwa ag Bag-ong Dag-on.

Ro closing hay naga-umpisa it Disyembre 16 hasta Enero 10.

Kaeabanan sigon nga naga-uli ro mga empleyado sa tagsa-tagsa ka mga probinsya para makaibahan ro andang pamilya sa adlaw it Paskwa.