Kalibo Aklan ————-Napaseawan nga makasueod sa banwa it Kalibo ro pilang ka mga indibidwal matapos ro uman nga pagpatuman it mas hugot nga quarantine classification  sa probinsiya it Aklan.

Umpisa kahapon nga adlaw hay ginpaidaeum eun ro probinsiya  sa Modified Enhanced Community Qurantine (MECQ) maghalin sa General Community Quarantine (GCQ) with “hightened restriction”.

-- Advertising --

Suno sa sangka concerned citizen maghalin sa Tapaz, Capiz nga nakaistorya it Bombo news team sa gintaeana nga checkpoint it mga otoridad sa Barangay Tigayon, Kalibo nga magabo-oe eamang kungta sanda it importante nga dokumento it anang unga nga  naga-apply sa pagka-army sa opisina it Philippine statistic authority (PSA-Aklan.

Apang  eubos  nandang ginakasubo kat ginbaeabagan raya sa checkpoint bangud bukon it valido ro anang travel pass nga gin-isyu kanda it andang Barangay.

Nasayuran nga ro dapat nga ipakita it mga nagasueod sa banwa it kalibo hay ro traval pass nga maghalin mismo sa munisipyo.

Maidid man nga ginalista ag ginahuyap it mga katapo it ortoridad ro mga nagasueod sa  banwa it Kalibo maghalin sa iba pang banwa  bangud ginalimitahan eamang raya  hasta it  15,  mag-euwas  kung raya hay emergency.

Samtang ro  mga essential worker  hay kinahangean eamang nga magpakita it andang valid I.D ukon certificate of employment.