KALIBO, Aklan—Nagpanindugan ro Philippine Drug Enforcement Agency ukon  PDEA nga bukon it permanante nga status ro drug-free barangay.

Suno kay Shey Tanaleon, tagapaghambae it PDEA-6 nga  kinahangean nga magbueuligan gihapon ro tanan sa barangay sa pagbantay sa pagsueod it panibag-ong drug personality agud nga indi ma-revoke ro andang status.

-- Advertising --


Raya hay kasunod it pagdeklara sa tanan nga tatlong barangay  sa isla it Boracay nga bukon eon it apektado it  iligal nga droga.

Bangud sa ginpabaskog nga kampanya it  Municipal Anti-Drug Abuse Council sa idaeum it lokal nga gobyerno it Malay ag Malay Municipal Police Station,  ro mga Barangay it Manocmanoc ag Balabag sa isla ro pinaka-ulihi nga nadugang sa listahan it mga drug-free barangays ko nagtaliwan nga Hunyo 2 sa pag-evaluate it Regional Oversight Committee.

Nasayuran nga ko Pebrero 17 hay nauna eon nga nadeklarang drug free ro  Barangay Yapak.

Bangud kara, ro tanan nga  17 nga  barangay sa banwa nga ginaeakipan it tatlo  sa Boracay ag 14 sa mainland malay hay  naeakip eon  sa “drug cleared barangay”  matapos nga nakasabat sa parameters  it committee  nga ginaeakipan it Department of Interior and Local Government, Philippine National Police, Department of Health, ag Philippine Drug Enforcement Agency (PDEA) nga nauna eon nga nagpatigayon it assessment.

Pila sa mga ginbasehan hay ro kawad-an it iligal nga droga  ag illegal drug transit, ag pagiging aktibo it  barangay anti-illegal drug abuse council./

Maskin suno kana nga gindeklara eon nga drug free ro sangka barangay padayun ro andang monitoring.

Madumduman nga ko Enero 22,  2021 nakipagpueong si PDEA director general Wilkins Villanueva kay Malay acting mayor Frolibar Bautista ag  Barangay Drug Clearing Program,  kun sa siin gintalakay ro angot sa pag-angkon it  drug-free tourist destination ag iba pang isyu nga may kaangtanan sa iligal nga droga.

Boses ni Shey Tanaleon, tagapaghambae it PDEA-6