KALIBO, Aklan—Ginkumpirma ni Altavas Mayor Denny Refol nga asawa it sambilog sa anang sangguniang bayan member ro pang ap-at nga kaso it nagpositibo sa 2019 coronavirus disease ukon COVID-19 sa Aklan.

-- Advertising --

Suno kana, miyembro it Philippine Coast Guard (PCG) ro nasambitang pasyente nga presenteng naka-admit sa sangka hospital sa Roxas City.

Ginpahayag dugang nga tanan nga travel history it pasyente hay ginausisa it Rural Health Unit (RHU) apang base sa pagkumpirma sigon it pamilya hay uwa eon raya nakauli rason nga naka-lapse eon sa 14 days period.

Suno pa kay Mayor Refol, matapos nga nasayuran nga positibo sa COVID-19 ro 44-anyos nga PCG member nga presenteng naka-assigan sa Pilar, Capiz hay insigidang nag quarantine ro anang bilog nga pamilya kaibahan eon ro mga nakasalamuha it anang asawa.

Sa makaron sigon hay estable eon ro kondisyon it nasambitang pasyente.

May kaangtanan kara, nagpangayo si Mayor Refol it pag-intindi sa publiko ag uman nga nagpadumdom nga magpabilin eon lang sa tagsa nanda ka panimaeay agud nga inde maeatnan it makamaeatay nga virus.

Voice of Mayor Denny Refol