KALIBO, Aklan—Nagpatigayun it committee hearing si Sangguniang Bayan member Matt Aaron Guzman kaibahan ro mga presidente it Tricycle Operators and Driver’s Association (TODA) sa banwa it Kalibo ko adlaw it Biyernes.

Suno kay Guzman, gintalakay nanda ro hinyu it mga pasahero nga pagpanaba it pamasahe it mga nagabiyaheng tricycle sa Kalibo kasunod it pagdugang it seating capacity sa mga pampublikong transportasyon.

Tuyo sigon it ginpatigayun nga pagdungog nga ibutang eon sa legal ro tanan.

Kaeabanan sigon sa mga TODA president hay nagpabor sa andang apela.

Sa kamatuoran suno kana hay nag-umpisa eon it pagpanaba it pamasahe ro pilang tricycle driver bilang pagtao it konsiderasyon sa mga commuter.

-- ADVERTISEMENT --

Ginpahayag ni Guzman nga nagplastar eon sanda it nagakaigo nga taripa angot sa mga ginapatuman nga alert level sa nasyon.

Boses ni Kalibo SB member Matt Aaron Guzman