KALIBO, Aklan—Kasunod sa pagkadiskubre sa Omicron variant it covid-19, uman nga gin-insister ni Kalibo Sangguniang Bayan member Augosto Tolentino nga importante gid ro pagpabakuna kontra sa deadly virus.

Bangud kara, hugot nana gin-engganyo ro mga pumueoyo nga makipagbahin sa tatlong adlaw nga national vaccination drive nga maga-umpisa makaron nga adlaw, Nobyembre 29 ag magatapos sa Disyembre 1,2021.

Gin-insister dugang nga raya sa makaron ro ikabulig it kada isaea agud nga maprotektahan ro bilog nga pamilya ag komunidad kontra sa panibag-o eon man nga paeag it pandemya.

Base sigon sa anang pagpangusisa, sangkiring porsyento eamang ro bakunado sa South Africa rason nga eubusang ginaengganyo ni South African President Cyril Ramaphosa ro anang nasakupan nga magpabukana agud nga inde eon magkalhit ro panibag-ong variant it deadly virus.

Boses ni Kalibo SB member Augusto Tolentino