Kalibo Aklan———-Indi pagbalewalaon ro mga nababatyagan nga flu-like symptoms.

Raya ro ginpaathag it Provincial Health Office sa interview it Bombo Radyo Kalibo.

-- Advertising --

Suno kay Dr. Cornelio Cuatchon Jr. it PHO-Aklan kaabuan sa mga nagpositibo sa COVID-19 hay makabig nga symptomatic ukon may gina-angkon nga sintomas.

Suno kana dapat insigidang mag-isolate ro mga naka-experiensya it flu-like symptoms ag likawan anay ro pagsueod sa trabaho ukon makipaghalubilo sa iba.

Raya hay bilang pagdahan sa posibleng pagtaeapnan it virus.

Angot kara, amat-amat man nga nagataas ro mga nailistang bag-ong kaso it COVID-19 sa probinsya it Aklan.

Raya hay matapos nga makalista it 24 nga bag-ong kaso ko Pebrero 26.

Sa nasambit nga numero, 9 ro maghalin sa banwa it Makato, 5 sa Kalibo ag tig tatlo sa banwa it Ibajay, Malinao ag Numancia.

Samtang, nakalista man it ap-at nga panibag-ong kaso ko Pebrero 27.

Raya sigon hay puro close contact it mga pasyente nga nauna eon nga nagpositibo sa sakit.

Sa pihak kara, nadugangan man it sambilog ro namatay rason nga sumaka eon sa 28 ro total deaths it makamaeatay nga virus sa probinsya.