KALIBO, Aklan—Nagpanawagan ro sangka opisyal it Barangay sa Brgy. Poblacion kalibo nga pasugtan eun ro paghampang it basketball.

-- Advertising --

Suno kay Barangay Kagawad Kobe Abit Magsisi it Brgy Poblacion Kalibo nga plano  nana makarun nga  magpasa it sangka resolusyon  nga nagahingyo nga pagapasugtan eun  ro paghampang it basketball sa mga kabarangayan.

Maskin ro mga maintok eamang sigon nga  baketball court ro pasugtan anay bangud magkakilaea man haeos ro mga pomoeuyo kumpara sa plaza  nga malisod ma-mintinar ro social distancing.

Gin-insister dugang nga ro tanan nga mga tawo sa kada barangay hay magkakilaea eamang  rason nga owa it dapat nga ikahadlok ro publiko.// raya man ro sambilog sa nagatao it libangan sa mga inunga.

Mas mayad eun sigon raya  kumpara sa mawili sa sugae ag inom ro pamatan-on.

Samtang, gin-engganyo man kara ro mga pamatan-on nga imbes maghampang it online games hay maghimo it mga bagay nga makabulig para sa ikaayong eawas kapareho it pagbike ag pag-jogging.

Nasayuran nga sa banwa it Nabas hay ginapsugtan eun ro pagpahampang it sikat nga sports nga basketball.