KALIBO, Aklan—Ginakabig it sangka School Principal nga mas maayos ro naging pagbukas it klase makaron nga adlaw it lunes, Setyembre 13 para  sa ikaywang dag-on it pagpatigayon it distance learning it Department of Education ukon DepEd.

Suno kay Dr. Wilma Werigene M. Villa, Prinicipal II  it  Kalibo Integrated Special Education Center  ukon KISEC nga raya hay bangud nga mas sangkiri eon lang ro andang mga nabaton nga reklamo.

-- Advertising --

Mag-eowas kara, owa eon man masyadong nagasako ro mga titser sa andang ginagamit nga module.

Agud nga mapatuman suno kana ro minimum  health protocol, nagtaeana sanda it one-entry-one-exit policy para sa mga nagasueod sa andang eskwelahan.

Sa unang adlaw it klase, nagpatigayon  sanda it virtual flag raising ceremony nga gintambungan it mga manugturo  ag pagkatapos hay ginpabati ro mensahe  it regional director it  DepEd.

Samtang,  ro distribution it modules suno kana para sa tanan nga grade level hay kada martes  hasta it  biyernes nga adlaw.

Nakaplastar raya sa guwa it  mga classrooms bangud nga pila sa andang mga kwarto hay temporaryong ginpagamit nga quarantine facility it lokal nga gobyerno it kalibo.

Pinaagi sa group chat nakikipag-coordinate ro mga titser sa anang mga estudyante ag mga ginikanan para sa mga aktibidad sa eskwelahan.

Gindugang pa ni Dr. Villa nga ginaduso man nanda makaron ro  digital modules agud nga maskin indi eon mag-agto sa eskwelahan sa pagpasa it modules.

Boses ni Dr. Wilma Werigene M. Villa, Prinicipal II

Sa pihak nga parte, aminado si Dr.  Villa nga problema gihapon sa mga pampublikong eskwelahan ro pagbuhos it mga late enrollees sa pihak it kampanya para sa mas tempranong pagpalista.

Suno kana nga indi man pwedeng balibaran  ro nasambit nga mga  late enrollees nga kon amat hay nagatuga it  overcrowding sa eskwelahan.

Boses ni Dr. Wilma Werigene M. Villa, Prinicipal II